हिंदुस्तान 24 न्यूज

डॉ. संदेश शहा यांना डॉ. सॅम्युएल हँनिमन जीवन गौरव पुरस्कार घोषित.

महाराष्ट्र कौन्सिल ऑफ होमिओपॅथी च्या वतीने देण्यात येणारा,

होमिओपॅथीचे जनक डॉ. सॅम्युएल हँनिमन जीवन गौरव पुरस्कार सन २०२५ – २६ हा इंदापूर ( जिल्हा पुणे ) येथील डॉ. संदेश शरद शहा यांना घोषित झाला आहे. महाराष्ट्र कौन्सिल ऑफ होमिओपॅथीच्या वतीने या पुरस्काराची घोषणा करण्यात आली आहे.

डॉ. संदेश शहा यांनी इंदापूर शहर तसेच पंचक्रोशीत होमिओपॅथीचा प्रचार करण्यासाठी १०० हून जास्त मोफत होमिओपॅथिक शिबिरे घेऊन ५० हजार हून जास्त रुग्णांना एक महिन्याची औषधे मोफत दिली आहेत. जगद्गुरु संतश्रेष्ठ तुकाराम महाराज पालखी सोहळ्यातील हजारो वारकऱ्यांना सलग तीस वर्ष त्यांनी मोफत होमिओपॅथिक औषधदान केले आहे. ग्रामीण भागात होमिओपॅथीचा प्रचार करण्यासाठी त्यांनी ११ हून जास्त चर्चासत्राचे यशस्वी आयोजन केले आहे. कोरोना महामारीत बेड न मिळालेल्या २२० रुग्णांना त्यांच्याच घरी विलगीकरण करून त्यांनी या औषधांचा वापर करून त्यांना बरे केले आहे. एड्स झाल्यानंतर मनुष्य केवळ ५ ते ७ वर्ष जगतो असा सन १९९५ च्या दशकात प्रचार सुरू असताना त्यांनी अनेक रुग्णांचे आयुष्य होमिओपॅथिक औषध देऊन वाढविले आहे. हजारो रुग्णांची त्यांनी मूतखडा या आजारातून मुक्तता केली असून हजारो रुग्णांच्या विविध आजारांच्या शस्त्रक्रिया त्यांनी टाळल्या आहेत.

होमिओपॅथी बरोबरच योग, शाकाहार, शेती, रक्तदान, पत्रकारिता तसेच व्यसनमुक्ती साठी त्यांनी मोठे योगदान दिले आहे. देश स्वातंत्र्य झाल्यापासून पिण्याच्या पाण्याची टंचाई असलेल्या इंदापूर तालुक्यातील गोखळी, तरंगवाडी, विठ्ठलवाडी येथे ओढा खोलीकरण व रुंदीकरण करून या गावांची तीव्र पाणी टंचाई दूर करण्यास मदत केली आहे. त्यांनी १२०० शेतकऱ्यांना मोफत गट शेतीचे प्रशिक्षण दिले आहे. २२०० युवा पिढीस त्यांनी स्पर्धा परीक्षा मार्गदर्शन उपलब्ध करून दिले आहे. विठ्ठलवाडी येथील ओढा खोलीकरण रुंदीकरण करण्यासाठी आलेले तत्कालीन मुख्यमंत्री देवेंद्र फडणवीस यांनी इंदापूर रोटरी क्लब चे अध्यक्ष संदेश शहा यांचा सामाजिक डॉक्टर म्हणून आवर्जून उल्लेख करून त्यांच्या कार्याचा गौरव केला होता.

पुरस्कार वितरण जून महिन्यात होणार आहे. राज्याचे मुख्यमंत्री देवेंद्र फडणवीस, उपमुख्यमंत्री अजित पवार व एकनाथ शिंदे, वैद्यकीय शिक्षण मंत्री हसन मुश्रीफ, आरोग्य मंत्री प्रकाश आबिटकर तसेच इतर मान्यवरांच्या उपस्थितीत पुरस्कार वितरण होणार आहे.

दरम्यान राज्याचे क्रीडा व युवक कल्याण मंत्री दत्तात्रय भरणे म्हणाले, डॉ. संदेश शहा यांना हा पुरस्कार घोषित झाल्याने इंदापूर तालुक्याचा मानसन्मान उंचावला आहे. हा राज्यस्तरीय पुरस्कार मिळणारे डॉ. संदेश शहा हे तालुक्यातील एकमेव डॉक्टर असून त्यांच्या कार्याचा आम्हा सर्वांना सार्थ अभिमान आहे.

यासंदर्भात राष्ट्रीय सहकारी साखर कारखाना महासंघाचे अध्यक्ष हर्षवर्धन पाटील म्हणाले, इंदापूर तालुक्यात डॉ. संदेश शहा यांच्या अनेक मोफत होमिओपॅथिक शिबिराचा मी उद्घाटक म्हणून साक्षीदार आहे. डॉ. बाहुबली शहा तसेच इतर १० ते १५ डॉक्टरांचे शिबिरासाठी तसेच होमिओपॅथीच्या प्रचारासाठी डॉ. संदेश शहा यांना सहकार्य होत होते. संपूर्ण राज्यात मंत्री म्हणून काम करत असताना अनेक ठिकाणी डॉ. संदेश शहा यांच्या कार्याचा आवर्जून उल्लेख होत होता. त्यांना घोषित झालेल्या या पुरस्काराचा आम्हा सर्वांना सार्थ अभिमान आहे.

दरम्यान राज्य लेखा समितीचे माजी अध्यक्ष, सोनाई परिवाराचे अध्यक्ष दशरथ माने, जिल्हा बँकेचे संचालक आप्पासाहेब जगदाळे, कर्मयोगी कारखान्याचे उपाध्यक्ष भरत शहा, जिल्हा परिषदेचे माजी आरोग्य व बांधकाम सभापती प्रविण माने, मावळत्या नगराध्यक्षा अंकिता शहा, शहा ग्लोबल स्कूलचे विश्वस्त मुकुंद शहा, जेष्ठ कवयित्री, साहित्यिक प्रतिभा गारटकर, तुषार रंजनकर, वसंतराव मालुंजकर आदींनी डॉ. संदेश शहा यांचे अभिनंदन केले आहे.

उत्तर प्रदेशचे मुख्यमंत्री योगी आदित्यनाथ यांच्यामार्फत महाराष्ट्राचे मुख्यमंत्री देवेंद्रजी फडणवीस साहेब यांना पाठवण्यात आलेल्या 288 महा कुंभ पैकी एक कुंभ इंदापूर तालुक्यातील बाभुळगाव येथे पूजनासाठी दाखल

अनुलोमच्या माध्यमातून, प्रयागराज मधून आलेल्या महाकुंभ ची आरती व पूजन, दर्शन इंदापूर तालुक्यातील बाभुळगाव येथील राखुंडे मळा येथे मारुती मंदिरामध्ये पूजन करण्यात आले, यामध्ये वस्तीवरील सर्व ग्रामस्थ गावातील गावकरी इंदापूर मधील युवा उद्योजक किरणजी गानबोठे (बीजेपी शहराध्यक्ष), लखनजी जगताप, (बीजेपी युवा मोर्चा इंदापूर शहराध्यक्ष) नाना घळके सर (राष्ट्रीय स्वयंसेवक संघ इंदापूर तालुका कार्यवाहक) अनुलोमचे भाग जनसेवक गोररव जी माने हे उपस्थित होते यांच्या हस्ते महा कुंभचे पूजन करून ब्राह्मण विधी करण्यात आला यामध्ये अनुलोमच्या अंतर्गत करण्यात आले कुंभ चा विधी श्रीराम महाजन (ब्राह्मणकाका )यांच्या हस्ते पूजन व आरती करून दर्शनासाठी ठेवण्यात आलेला होता यामध्ये आरती झाल्यानंतर वस्तीवरील सर्व ग्रामस्थांना महाप्रसाद देण्यात आला यामध्ये महाप्रसादासाठी माजी सरपंच विलास चव्हाण युवा उद्योजक विशाल चव्हाण सामाजिक कार्यकर्ते दत्ता कदम, महामित्र रामवर्मा आसबे, युवा उद्योजक राजू भोसले, हर्षद जवादे, ओम भोसले यांनी सहकार्य केले प्रयागराज मधून आलेल्या कुंभ चे महत्व बीजेपी शहराध्यक्ष किरणजी गानबोटे यांनी सर्व ग्रामस्थांना सांगितले अनुलोम च्या संदर्भातील माहिती गोरखजी माने यांनी ग्रामस्थांना सांगितले

चांगली संगत मिळाल्यास यशाचे शिखर गाठता येईल : पी.आय.

मा. सूर्यकांत कोकणे

चुकीची संगत संपूर्ण जीवन उद्ध्वस्त करू शकते. त्यामुळे यशस्वी होण्यासाठी शिक्षणासह शालेय व महाविद्यालयीन जीवनात योग्य लोकांची संगत मिळाल्यास जीवनात निश्चितच यशाचे शिखर गाठता येईल, असे प्रतिपादन पोलीस इन्स्पेक्टर इंदापूर पोलीस स्टेशन माननीय श्री सूर्यकांत कोकणे यांनी केले.

सरडेवाडी इंदापूर येथील चेतना कॉलेज ऑफ फार्मसी च्या वार्षिक बक्षीस वितरण समारंभ प्रसंगी आयोजित केलेल्या कार्यक्रमात पोलीस इन्स्पेक्टर कोकणे बोलत होते. यावेळी कोकणे यांनी सांगितले की, आपल्या उच्च शिक्षणाचा उपयोग देशसेवा च समाजसेवेच्या दृष्टीकोनातून केल्यास निश्चित यश मिळेल, यावेळी संस्थेचे सचिव श्री विलास भोसले खजिनदार सोमनाथ माने यांनी आपले मनोगत व्यक्त केले. यावेळी विद्याध्यर्थ्यांना गौरवचिन्ह, प्रमाणपत्रे, विशेष पुरस्कर मान्यवरांच्या हस्ते देऊन सन्मानित करण्यात आले. यावेळी चेतना फाउंडेशन चे अध्यक्ष उदय देशपांडे सचिव विलास भोसले खजिनदार सोमनाथ माने कितना इंटरनॅशनल स्कूल आणि ज्युनिअर कॉलेजच्या प्राचार्य सौ निकिता माने मॅडमआदी उपस्थित होते. प्रास्ताविक प्राचार्य डॉ. सुजित देसाई यांनी केले सूत्रसंचालन वैष्णवी डोईफोडे आणि गीतांजली कांबळे यांनी केले तर आभार नम्रता मोरे यांनी मानले.

चेतना फार्मसी इंदापूर येथे ट्रॅडिशनल डे निमित्त भारतीय संस्कृतीचे दर्शन

सरडेवाडी इंदापूर येथील चेतना कॉलेज ऑफ फार्मसी येथे ट्रॅडिशनल डे मोठ्या उत्साहात साजरा करण्यात आला. देशातील विविध पारंपरिक संस्कृतीचे दर्शन विद्यार्थ्यांनी या डेमधून घडवले. बंगाली, घागरा, शेरवानी, नऊवारी साडी, कोळी वेशभूषा, पंजाबी यांसारख्या वेशभूषा करून विद्यार्थ्यांनी या डेचा आनंद लुटला तसेच विद्यार्थ्यांनी विविध थीमद्वारे दुपारच्या सत्रामध्ये मध्ये सांस्कृतिक कार्यक्रमाचे आयोजन करण्यात आलेले होते. यामध्ये विद्यार्थ्यांनी गणेश जयंती पंढरपूर वारकरी दिंडी सोहळा तसेच शिवजन्मोत्सव असे विविध प्रकारचे कार्यक्रम साजरे केले. सदर कार्यक्रमाचे संयोजन कॉलेजच्या सांस्कृतिक विभाग प्रमुख प्राध्यापक नम्रता मोरे यांनी पाहिले तर प्राचार्य डॉ सुजित देसाई चेतना फाउंडेशन इंदापूरचे अध्यक्ष उदय देशपांडे सचिव विलास भोसले खजिनदार सोमनाथ माने यांचे मार्गदर्शन लाभले.