हिंदुस्तान 24 न्यूज

संपादकीय

जेरूसलेम:- इस्त्रायलमधील तेल अवीव शहरातील विमानतळावर क्षेपणास्त्र हल्ला झाल्यानंतर सर्व आंतरराष्ट्रीय विमानसेवा रद्द करण्यात आल्या आहेत. त्यामध्ये भारताची एअर इंडिया, ब्रिटिश एअरवेज, लुफ्थांसा आणि डेल्टा एअरलाईन्स यांसारख्या अनेक आंतरराष्ट्रीय विमान सेवांचा समावेश आहे. इस्त्रायलच्या तेल अवीवमधील बेन गुरियन विमानतळावर हा हल्ला झाला आहे. यमनमधील हुथी बंडखोरांनी हायपरसोनिक बॅलिस्टिक क्षेपणास्त्राचा हल्ला केला आहे. या हल्ल्यात कोणतीही जीवित हानी झाली नसली तरी आठ जण जखमी झाले आहेत.*

*👉🔴🔴👉येमेनमधील हूथी बंडखोरांनी इस्त्रायलच्या दिशेने डागलेली एक क्षेपणास्त्र तेल अवीवमधील बेन गुरियन आंतरराष्ट्रीय विमानतळाजवळ कोसळले. हल्ल्यानंतर परिसरात धुराचे लोट पसरले आणि प्रवाशांमध्ये प्रचंड घबराट निर्माण झाली. इस्त्रायली आपत्कालीन सेवेनुसार, आठ जणांना रुग्णालयात दाखल करण्यात आलं आहे. त्यापैकी एका व्यक्तीची प्रकृती गंभीर आहे. एअर इंडियाने आपल्या दिल्लीतून तेल अवीवकडे जाणाऱ्या आणि येणाऱ्या सर्व उड्डाणांना 6 मे 2025 पर्यंत स्थगिती दिली आहे. एअर इंडियाने एका निवेदनात सांगितले की, प्रवासी व कर्मचाऱ्यांच्या सुरक्षेच्या दृष्टीने आम्ही हा निर्णय घेतला असून ग्राहकांना पर्यायी व्यवस्था करून देण्याचे काम सुरू आहे.*

*👉🟥🟥👉ब्रिटिश एअरवेजनेही 7 मेपर्यंत BA-405 सहित सर्व उड्डाणे रद्द केली आहेत. जर्मनीची लुफ्थांसा, डेल्टा, युरोविंग्स, स्विस, ऑस्ट्रियन, आणि ब्रुसेल्स एअरलाईन्स या कंपन्यांनीदेखील सेवांवर तात्पुरती बंदी घातली आहे. यमनमधील हुथी बंडखोरांनी या हल्ल्याची जबाबदारी स्वीकारली असून, बेंजुरियन विमानतळ आता आंतरराष्ट्रीय उड्डाणांसाठी सुरक्षित नाही, असा इशारा दिला आहे. इस्त्रायलच्या संरक्षणमंत्री इस्राएल कॅट्झ यांनी या हल्ल्याला कठोर प्रत्युत्तर देणार असल्याचं म्हटलं आहे. या हल्ल्यामुळे इस्त्रायलमधील सुरक्षा यंत्रणांमध्ये तणाव निर्माण झाला आहे आणि आंतरराष्ट्रीय उड्डाणांसाठी नवीन सुरक्षा उपायांची आवश्यकता अधोरेखित झाली आहे.*

नवी दिल्ली:-जम्मू-काश्मीरमधील पहलगाम हल्ल्यानंतर पंजाबमधील भारत-पाकिस्तान सीमेवर अलर्ट जारी करण्यात आला आहे. BSF जवानांनी सुरक्षा आणि गस्त वाढवली आहे. अमृतसर, फिरोजपूर, गुरदासपूर, पठाणकोट हे जिल्हे पाकिस्तानच्या सीमेला लागून आहेत. भारत आणि पाकिस्तानमधील तणाव वाढल्यामुळे BSF ने सीमेवरील शेतकऱ्यांसाठी महत्त्वाचे आदेश जारी केले आहेत.

शेतकऱ्यांनी कुंपणाजवळ लावलेली गव्हाची कापणी दोन दिवसांत पूर्ण करून शेत खाली करण्याचे आदेश देण्यात आले आहेत. त्यामुळे येत्या काही दिवसांत मोठी कारवाई होण्याची शक्यता वर्तवली जात आहे. गुरुद्वारातून याबाबत घोषणा करण्यात आली आहे. शेतकऱ्यांनी वेळेत कापणी न केल्यास गेट पूर्णपणे बंद केले जातील, असं देखील सांगण्यात आलं आहे. त्यामुळे शेतकऱ्यांनी ४८ तासांच्या आत आपल्या पिकांची कापणी पूर्ण करावी, असं आवाहन करण्यात आलं आहे. BSFच्या आदेशानंतर शेतकऱ्यांनी तातडीने कामाला सुरुवात केली आहे. पंजाबमधील पठाणकोट ते फाजिल्कापर्यंत ५५३ किलोमीटर लांबीच्या सीमेवर सैन्याच्या हालचाली वाढल्या आहेत. BSF जवानांनी बॉर्डर आणि गावांमधील गस्त वाढवली आहे.*

गावांमध्ये कोणत्याही संशयास्पद हालचाली आढळल्यास, तात्काळ पोलीस आणि BSF जवानांना माहिती देण्याचं आवाहन करण्यात आलं आहे. गावकऱ्यांना सतर्क राहण्यास सांगितलं आहे. बॉर्डरवर कोणतीही हालचाल दिसल्यास, थेट गोळी मारण्याचे आदेश देण्यात आले आहेत. फिरोजपूरमधील कालूवाला हे गाव सतलुज नदीने तीन बाजूंनी वेढलेलं आहे. याच्या एका बाजूला पाकिस्तान आहे. गावकऱ्यांनी सांगितलं की, भारत-पाकिस्तान तणावामुळे या गावाला नेहमी सर्वात आधी खाली केलं जातं. त्यामुळे येथील नागरिक भयभीत आहेत. ज्या शेतकऱ्यांची जमीन तारेच्या कुंपणाच्या पलीकडे आहे, त्यांना लवकर कापणी करण्याचे आदेश देण्यात आले आहेत. त्यामुळे पंजाबमधील सीमेवरील गावे लवकरच खाली केली जाऊ शकतात.*

क्वेट्टा:-पहलगाम दहशतवादी हल्ल्यानंतर भारत आणि पाकिस्तान यांच्यात तणाव वाढलेला असतानाच पाकिस्तानला मोठा धक्का बसला आहे. पाकिस्तानातील बलुचिस्तानात पाकिस्तानी सैन्यावर मोठा हल्ला झाला आहे. बलूच लिबरेशन आर्मीने दावा केला आहे की क्वेटा शहराजवळ मार्गट परिसरात पाकिस्तानी सैन्यावर हल्ला करुन दहा सैनिकांना ठार मारण्यात आले. बीएलएवनुसार हा हल्ला आयईडीच्या माध्यमातून केला गेला. यात पाकिस्तानी सैन्याचे वाहन पूर्ण उद्धवस्त झाले.या भागात अनेक वर्षांपासून बलूच बंडखोरांचा दबदबा आहे. या हल्ल्यासंदर्भात अद्याप पाकिस्तानी आर्मीने कोणतेही अधिकृत निवेदन दिलेले नाही. बलूच आर्मी मागील काही वर्षांपासून बलुचिस्तानच्या स्वातंत्र्याची मागणी करत आहे. त्यासाठीच त्यांच्याकडून संघर्ष सुरू आहे. बलुचिस्तान आधी पाकिस्तानचा भागच नव्हता. पण पाकिस्तानी आर्मीने दडपशाही करून या प्रांतावर कब्जा केला.*

बलुचिस्तानच्या नागरिकांवर अनन्वित अत्याचार केले. तेव्हापासूनच बलुचिस्तानात असंतोष धुमसत आहे. बलूच आर्मीकडून पाकिस्तानी सैन्यावर हल्ले होत आहेत. आताही ताजा हल्ला आम्हीच केला असे स्पष्ट करत या हल्ल्याची जबाबदारी बीएलएने घेतली आहे. बीएलएचे प्रवक्ते जियांद बलोच यांनी एक पत्रक प्रसिद्धीस दिले आहे. आमचे हल्ले कब्जाधारी सैन्याविरुद्ध सुरुच राहणार आहे. पाकिस्तानी सैन्यावर रिमोट कंट्रोल आयईडीद्वारे हल्ला केला गेला. या हल्ल्याच शत्रूचे वाहन पूर्ण उद्धवस्त झाले आहे. यात दहा सैनिकांचा मृत्यू झाला.*