हिंदुस्तान 24 न्यूज

पुणे:-श्री संत ज्ञानेश्वर महाराज आणि श्री संत तुकाराम महाराज यांच्या पालखी सोहळ्याच्या पार्श्वभूमीवर पालखी मार्गावर सुरू असलेली रस्त्यांची कामे वारकरी, भाविकांसाठी अडथळा ठरण्याची शक्यता आहे.*

विश्रांतवाडीतील मुख्य चौकात सुरू असलेले रस्त्याचे काम आणि दिवे घाटातील कामे पालखी मार्गात अडथळा ठरू शकतात. कामांची पूर्तता पालखी प्रस्थानापूर्वी व्हावी, अशी मागणी श्री संत ज्ञानेश्वर महाराज संस्थान समितीकडून करण्यात आली. त्यानंतर संबंधीत यंत्रणेशी समन्वय साधून पालखी सोहळ्याचे आगमन हाेण्यापूर्वी कामे पूर्ण करण्यासाठी पाठपुरावा करण्यात येईल, असे आश्वासन पोलीस आयुक्त अमितेश कुमार यांनी दिले. पोलीस आयुक्त कार्यालयात बुधवारी श्री संत ज्ञानेश्वर महाराज आणि श्री संत तुकाराम महाराज संस्थान प्रमुख, पदाधिकाऱ्यांची बैठक आयोजित करण्यात आली.*

*👉🟥🟥👉पोलीस आयुक्त अमितेश कुमार, सहपोलीस आयुक्त रंजनकुमार शर्मा, संत ज्ञानेश्वर महाराज संस्थानचे पालखी सोहळा प्रमुख डाॅ. भावार्थ देखणे, विश्वस्त चैतन्य महाराज कबीर, पुरुषोत्तम महाराज पाटील, ॲड. रोहीणी पवार, व्यवस्थापक ज्ञानेश्वर वीर, संत तुकाराम महाराज संस्थानचे पदाधिकारी जालिंदर मोरे, वैभव मोरे, दिलीप मोरे या वेळी उपस्थित होते. पालखी आगमन, प्रस्थान सोहळा, बंदोबस्त, वाहने लावण्याची व्यवस्था याबाबत बैठकीत चर्चा झाली. गेल्यावर्षी गतवर्षी पालखी आगमन झाल्यानंतर मुक्कामाच्या ठिकामी पोहोचण्यास विलंब झाला. पालखीचे दर्शन घेण्यासाठी होणारी भाविकांची गर्दी नियंत्रणात ठेवण्यासाठी बंदोबस्त नेमण्यात यावा, अशी मागणी यावेळी आळंदी संस्थानच्या विश्वस्तांकडून करण्यात आली.*

*👉🔴🔴👉शहरात पालखीचे आगमन, प्रस्थान सोहळ्याला होणारी गर्दी विचारात घेऊन पालखी सोहळ्यात बंदोबस्त वाढविण्यात येईल, तसेच ठिकठिकाणी लोखंडी कठडे बांधण्यात येईल. जेणेकरुन पालखी सोहळा जलदगतीने मार्गस्थ होईल, असे आश्वासन पोलीस आयुक्त अमितेश कुमार यांनी दिले.*

*👉🟥🟥👉पालखी सोहळ्यासोबत दिंड्या असतात. दिंड्यामध्ये वाहनेही असतात. वाहने लावण्यासाठी जागा उपलब्ध करुन द्यावी, तसेच पोलीस आणि पालखी सोहळ्यांच्या विश्वस्तांमध्ये समन्वय साधण्यासाठी समाजमाध्यमात एक समुह करावा. जेणेकरुन पोलीस आणि विश्वस्तांमध्ये संवाद साधणे शक्य होईल, अशी मागणी यावेळी करण्यात आली.*

मुंबई :-राज्यात प्रशासकीय खांदेपालट सुरूच असून आताही आठ वरिष्ठ आयएएस अधिकाऱ्यांच्या बदल्यांचे आदेश जारी करण्यात आले आहेत.नवल किशोर राम यांनी २०१४ च्या निवडणुकांच्या काळात बीडच्या जिल्हाधिकारी पदाची जबाबदारी चोखपणे सांभाळली होती.पुढे ते पंतप्रधान कार्यात प्रतिनियुक्तीवर गेले होते. २००७ च्या बॅचचे आयएएस अधिकारी असलेले नवल किशोर राम यांची बदली पुन्हा एकदा पुण्यात करण्यात आली आहे.त्यांच्याकडे आता पुणे महापालिकेच्या आयुक्तपदाचा कार्यभार देण्यात आला आहे.३१ मे २०२५ रोजी पुणे महानगर पालिकेचे विद्यमान आयुक्त डॉ. राजेंद्र भोसले हे सेवानिवृत्त होत आहेत. त्यांच्या पदभार नवल किशोर राम हे घेतील. २१ मे रोजी राज्य शासनाच्या सामान्य प्रशासन विभागाने आदेश काढून ३१ मे रोजी पुणे आयुक्त पदाचा पदभार घ्यावा, असं म्हटलं आहे. पुणे शहराला एक शिस्तप्रिय आणि प्रशासनाची उत्तम जाण असलेला अधिकारी मिळाला आहे.तर शितल तेली उगळे यांच्याकडे पुण्यातील क्रीडा आणि युवा आयुक्त पदाची जबाबदारी देण्यात आली आहे.*

*👉🔴🔴👉ज्येष्ठ आयएएस अधिकारी जे एस पापळकर यांच्याकडे धुळ्याच्या जिल्हाधिकारीपदाची जबाबदारी होती. त्यांची बदली आता छत्रपती संभाजीनगरच्या विभागीय आयुक्तपदी करण्यात आली आहे.👉🅾️🅾️👉तर धुळ्याच्या जिल्हाधिकारीपदी भाग्यश्री विसपुते यांची बदली करण्यात आली आहे. सी के डांगे यांच्याकडे आता सामान्य प्रशासन विभागाच्या मुख्य सचिव कार्यालयाच्या सहसचिवपदाची जबाबदारी देण्यात आली आहे.*

*👉🟥🟥👉अमरावतीचे जिल्हाधिकारी सौरभ कटियार यांची बदली बृहन्मुंबई जिल्हाधिकारी म्हणून करण्यात आली आहे. तर अमरावतीच्या जिल्हाधिकारीपदी आशिष येरेकर यांची बदली करण्यात आली आहे.*

*👉🔴🔴👉कोणत्या अधिकाऱ्याची बदली कुठे?*

*१. नवल किशोर राम*:- आयुक्त, पुणे महानगरपालिका

*२. शीतल तेली-उगले*:- क्रीडा आणि युवा आयुक्त, पुणे

*३. जे.एस. पापळकर*:- विभागीय आयुक्त, छत्रपती संभाजी नगर

*४. सी.के. डांगे*:- सहसचिव, मुख्य सचिव कार्यालय, सामान्य प्रशासन विभाग

*५. सौरभ कटियार*:-जिल्हाधिकारी, मुंबई उपनगर जिल्हा

*६. भाग्यश्री विसपुते*:-जिल्हाधिकारी, धुळे

*७. आनंद भंडारी* :-मुख्य कार्यकारी अधिकारी, अहिल्यानगर जिल्हा परिषद

*८. आशिष येरेकर*:-जिल्हाधिकारी, अमरावती

*👉🅾️🅾️👉या आधी बदल्या झालेले अधिकारी कोण?*

*1. अभिषेक कृष्णा*:- सदस्य सचिव, महा. जीवन प्राधिकरण मुंबई यांची संचालक, महानगरपालिका प्रशासन, मुंबई म्हणून नियुक्ती करण्यात आली आहे.

*2. अविनाश पाठक* :- जिल्हाधिकारी, बीड यांना व्यवस्थापकीय संचालकपदी, मत्स्यव्यवसाय विकास महामंडळ, मुंबई नियुक्त करण्यात आले आहे.

*3. विवेक जॉन्सन*:- मुख्य कार्यकारी अधिकारी, झेड.पी., चंद्रपूर यांना बीड येथे नियुक्त करण्यात आले आहे.

*4. शुभम गुप्ता*:- सदस्य सचिव, विदर्भ वैधानिक विकास मंडळ, नागपूर यांना व्यवस्थापकीय संचालक, पश्चिम महाराष्ट्र विकास महामंडळ, पुणे म्हणून नियुक्त करण्यात आले आहे.

*5. पुलकित सिंग*:- सहाय्यक जिल्हाधिकारी, अंबड उपविभाग, जालना यांना मुख्य कार्यकारी अधिकारी, झेड.पी., चंद्रपूर म्हणून नियुक्त करण्यात आले आहे.

*👉🛑🛑👉गेल्या वर्षी लोकसभा निवडणुकीची आचारसंहिता लागू होण्याआधी राजेंद्र भोसले यांची पुण्याचे नवे महापालिका आयुक्त म्हणून नियुक्ती करण्यात आली होती. त्यापूर्वी पुणे महापालिका आयुक्तपदी असलेल्या विक्रम कुमार यांची बदली करण्यात आली होती. त्यांची मुंबई महानगर प्रदेश विकास प्राधिकरणाच्या (एमएमआरडीए) अतिरिक्त महानगर आयुक्तपदी बदली करण्यात आली होती.*

*👉🟥🟥👉विक्रम कुमार हे त्यापूर्वी पुणे महापालिका आयुक्त होते.त्यांची मुंबई महानगर प्रदेश विकास प्राधिकरणाच्या (एमएमआरडीए) अतिरिक्त महानगर आयुक्तपदी बदली करण्यात आली होती. ते २००४ च्या बॅचचे आयएएस अधिकारी असलेल्या कुमार यांची जुलै २०२० मध्ये पीएमसी आयुक्त म्हणून नियुक्ती करण्यात आली होती. त्यानंतर आणि नंतर १५ मार्च २०२२ रोजी ते प्रशासक बनले होते.तर त्यांच्याजागी पुणे महापालिका आयुक्तपदी राजेंद्र भोसले यांची नियुक्ती झाली होती. आता राजेंद्र भोसले हे ३१ मे २०२५ रोजी सेवेतून निवृत्त होत असल्यामुळे त्यांच्या जागी नवल किशोर राम यांची पुणे महापालिकेचे नवे आयुक्त म्हणून नियुक्ती करण्यात आली आहे.*

*👉🛑🟥🛑कोण आहेत नवल किशोर राम?*

*नवल किशोर राम हे यापूर्वी पुण्याचे जिल्हाधिकारी राहिलेले आहेत.त्यांची सौरभ राव यांच्या जागी एप्रिल २०१८ मध्ये नवल किशोर राम यांची पुण्याच्या जिल्हाधिकारीपदी वर्णी लागली होती.याआधी नवल किशोर राम यांनी यवतमाळ जिल्हा परिषदेचे सीईओ,बीड,औरंगाबादचे जिल्हाधिकारी म्हणूनही काम पाहिले आहे. पुण्याचे जिल्हाधिकारीपदानंतर त्यांची पंतप्रधान कार्यालयात नियुक्ती करण्यात आली होती.*

*👉🛑🛑👉नवल किशोर राम हे २००७ च्या बॅचचे आयएएस अधिकारी आहेत. ते मूळ बिहारमधील चंपारण जिल्ह्यातील मोतीहारी गावचे आहेत. सन २००७ मध्ये ते आएएस झाले आणि त्यांची आयएएसमध्ये निवड झाली. राम यांची पहिली नियुक्ती नांदेड येथे झाली होती. त्यानंतर त्यांनी यवतमाळ जिल्हा परिषदेत दोन वर्षे काम केले.*

*👉🔴🔴👉पुढे ते बीड आणि छत्रपती संभाजी नगर जिल्ह्याचे जिल्हाधिकारी होते. २०२० मध्ये नवल किशोर राम हे पुण्याचे जिल्हाधिकारी होते. कोरोना संकाटाच्या काळात त्यांनी स्वतः गावोगावी जाऊन भेटी दिल्या होत्या. देशभरातील सर्वोत्तम जिल्हाधिकारी म्हणून देखील त्यांना सन्मानित करण्यात आलेलं आहे.त्यामुळेच पुण्यातून त्यांची थेट पंतप्रधान कार्यालयात उपसचिवपदी त्यांची नियुक्ती करण्यात आली होती. आता केंद्रीय प्रतिनियुक्तीवरुन राज्य शासनाकडे रुजू झाल्यानंतर त्यांची नियुक्ती पुणे महानगरपालिकेच्या आयुक्तपदी करण्यात आलेली आहे. कोरोना काळातील त्यांचं काम पुणेकरांनी जवळून बघितल्याने एक चांगला अधिकारी लाभल्याच्या सर्वांच्या भावना आहेत.*

रत्नागिरीचे पोलीस अधीक्षक धनंजय कुलकर्णी यांना मुंबईच्या अपर पोलीस आयुक्त विशेष शाखा पदावर पदोन्नती

*मुंबई:-राज्यातील १४ पोलीस अधीक्षकांना बदलीपर बढती देण्यात आली असून उप महानिरीक्षक पदावर त्यांची पदोन्नती करण्यात आली आहे. त्यानुसार, नाशिक ग्रामीणचे पोलीस अधीक्षक विक्रम देशमाने यांना अपर पोलीस आयुक्त मध्य प्रादेशिक विभाग मुंबई या ठिकाणी झाली नियुक्ती देण्यात आली आहे. तर, पुणे ग्रामीणच्या पंकज देशमुख यांना पुणे शहर अपल पोलीस आयुक्तपदी बढती देण्यात आली आहे. आयपीएस मोक्षदा पाटील यांना राज्य राखीव पोलीस बल गटाच्या समादेशक पदावरुन पोलीस उपमहानिरीक्षक पदावर पदोन्नती देण्यात आली आहे. रत्नागिरीचे पोलीस अधीक्षक धनंजय कुलकर्णी यांना मुंबईच्या अपर पोलीस आयुक्त विशेष शाखा पदावर पदोन्नती देण्यात आली आहे.*

*👉🔴🔴👉पोलीस उप महानिरीक्षक” श्रेणीत पदोन्नती देण्यासाठी तयार करण्यात आलेल्या “पोलीस अधीक्षक” श्रेणीतील “निवडसूची-2025” मध्ये समाविष्ट, पुढील तक्त्यातील स्तंभ (2) मध्ये नमूद भा.पो.से. अधिकारी यांची, स्तंभ (3) मध्ये निर्दिष्ट पदावरुन, स्तंभ (4) मध्ये नमूद पदावर पदोन्नतीने, महाराष्ट्र पोलीस अधिनियम (1951 चा 22) याच्या कलम 22 न मधील तरतुदींनुसार, याद्वारे, पदस्थापना करण्यात येत आहे, असे म्हणत आयपीएस अधिकाऱ्यंना पदोन्नती देण्यात आली आहे. शासनाचे सचिव व्यंकटेश भट यांच्या सहीने ह्या पदोन्नती बदल्या करण्यात आल्या आहेत. दरम्यान, यासंदर्भातील शासन आदेश, आस्थापना मंडळ क्र.1 च्या शिफारशींचा यथायोग्य विचार करुन व महाराष्ट्र पोलीस अधिनियम (1951 चा 22) याच्या कलम 22 न मध्ये नमूद सक्षम प्राधिकारी यांच्या मान्यतेने निर्गमित करण्यात आला आहे.*

*👉🔴🔴👉खालील 14 पोलीस अधीक्षकांना पदोन्नती*

1) प्रसाद अक्कानवरु

2) पंकज देशमुख

3) अमोघ गावकर

4) जी. श्रीधर

5) मोक्षदा पाटील

6) राकेस कलासागर

7) प्रियंका नारनवरे

8) अरविंद साळवे

9) सुरेश कुमार मेंगडे

10) धनंजय कुलकर्णी

11) विजय मगर

12) राजेश बनसोडे

13) विक्रम देशमाने

14) राजेंद्र दाभाडे

काल नुकताच दहावीचा निकाल लागला,अनेकांना ९० ते १००% गुण मिळाले,तर काहींना अपेक्षा पेक्षा जास्त गुण मिळाले…भरभरून मार्क्स ची उधळण मार्कलिस्ट वर दिसून आली….प्रत्येक पालकांना आपल्या पाल्याने मिळविलेल्या गुणांचा सार्थ अभिमान वाटला असेल . ‌ तो वाटला हि पाहिजे💥पालकांनो सजग व्हा …!*

*जागृत व्हा..! दहावीच्या मार्क्सनी हुरळून जाऊ नकात…!* .पण हे मिळविलेले गुणांची आता आपण सत्यता पाहू यात..

एका मुलाला ४५६ गुण मिळाले अस आपण आता गृहीत धरू यात….म्हणजे त्याच्या गुणांची टक्केवारी ४५६*१००/५००=९१.२० गुणपत्रिकेवर आलेली असेल…हे झाले त्याचे बेस्ट ऑफ फईव चे गुण… म्हणजे त्याला ६ पैकी ५ विषयातील सर्वात जास्त असलेले गुण धरलेले…या सहा विषयात त्याला न कष्ट करता मिळालेले प्रॅक्टिकल चे आयते प्रत्येक विषयाचे २० गुण म्हणजे ते १२० गुण… म्हणजे ४५६-१२०=३३६ गुणांचीच लेखी परीक्षा दिलेली आहे..

आता प्रत्येक पेपरची आपण कठिण्यपातळी विचारात घेऊ यात…सर्व पेपर्स मध्ये तेथेच उतारा,तेथेच प्रश्न ,एका वाक्यात उत्तरे,गाळलेल्या जागा भरा असे ऑब्जेक्टीव्ह टाइप प्रश्न..!त्यात दीर्घ उत्तरे वगैरे खूप कमी …

आता हेच ४५६ च्या ऐवजी त्या विद्यार्थ्यचे सर्व विषयाचे गुण घेऊ यात …५२४ गुण घेऊ यात…५२४*१००/६००=८७.३३ ते गुण होतील..

आता आपण ५२४-१२०=४०४ गुण होतील..(१२० प्रॅक्टिकल चे आयते गुण, प्रत्येक विषयाचे २० प्रमाणे गुण) आता या ४०४ ची टक्केवारी आपण पाहू यात ४०४*१००/४८०=८४.१६ ℅ होतात…

बेस्ट ऑफ फाईव्ह एवढे आत्मघातकी गुण आहेत की यावर पालक म्हणून आपण विचार केला पाहिजे, या गुणांच्या आधारे अनेकांना लातूर ,कोटा,नांदेड अशा ठिकाणी जाण्याचे वेध लागले असतील,पण या खाजगी वर्गांना पाठविण्यापुर्वी आपणच आपल्या मुलांचे गुण तपासले पाहिजेत,जरी बोर्ड म्हणत असेल की सर्व परीक्षा आम्ही कॉपी मुक्त राबविली आहे,तरी काही ठिकाणी परिस्थिती वेगळी होती…आपल्याला त्या विषयात जायचे नाही..आपल्याला उद्याचा होणार खर्च पहायचा आहे..लातुर ,कोटा येथील खाजगी क्लासेस च्या जाहिराती पाहुन आपले पल्या या गुणांच्या आधारे या ठिकाणी जाण्याचा,प्रवेश घेण्याचा नक्की विचार करतील..पण पालक म्हणून आपण या सर्व गुणांची पडताळणी स्वतः करा मग ठरवा…आज लातूरला खाजगी क्लाससाठी पल्याला तेथे ठेवायचे म्हटले तर किमान रोजचा खर्च १४०० रु आहे…आणि तो किमान ५०० दिवस होणार आहे..(त्यात ट्युशन फी,शाळेची फी,होस्टेल, पुस्तके ,वह्या,जाणेयेणे व इतर किरकोळ खर्च यांचा समावेश आहे)

आजचा पाल्य तेथे शिकविणाऱ्या शिक्षकांची शैक्षणिक अर्हता काय आहे? असलं काही पहात नाही,तो पहातोय की तेथील वातावरण,बिल्डिंग एखादया चित्रपटातील कॉलेज प्रमाणे आहे का..! बस झालं..आजच्या लेकरांना जाहिरातीतील चित्रांचे एवढं अनुकरण करायची सवय झाली आहे की ही पिढी वास्तव समजून घेयला तयारच नाही..समजा एखाद्या मुलाने नीट किंवा जेजेई साठी या बेस्ट ऑफ फाईव्ह च्या गुणांवर लातूर , कोटा किंवा अशा इतर महागड्या ट्युशन क्लास साठी प्रवेश घेतला आणि दोन वर्षात साधारण ८ ते ९ लाख घालविले आणि त्याला नीट ला किंवा इतर परीक्षेमध्ये ५०० च्या आत मार्क्स पडले तर त्याचा काहीच उपयोग होत नाही,त्यापेक्षा आपल्या स्वतःच्या गावातच राहून उपलब्ध साहित्याचा आधार घेऊन,युट्यूब किंवा नेट च्या मदतीने प्रॉपर अभ्यास केला तर एखाद्या महागड्या क्लासला जाऊन जेवढे मार्क्स पडतात त्यापेक्षा जास्त मार्क्स तो घरच खाऊन घेऊ शकतो हे ही एक सत्य आहे…या महागड्या क्लास ची फी देण्यापेक्षा चेतना इंटरनॅशनल स्कूल ला दोन वर्षात जेवढी बचत होते त्यातून आपण जरी मार्क्स नाहीत पडले तर एखाद्या चांगल्या कॉलेज मध्ये फी भरून प्रवेश घेऊ शकतो हे देखील एक सत्य आहे,आणि पालक १२ वी झाल्यावर मग म्हणतात असे केले असते तर बरे झाले असते…

पालकांनो आजच वरील सर्व गुणांचा विचार करा…निर्णय घेताना माझा हा लेख नक्की आपल्याला मदत करेल..याची मला खात्री आहे…आपली प्रतिक्रिया वाचायला किंवा ऐकला नक्की समाधान वाटेल..थोडं वास्तवदर्शी लिहिलं आहे..त्यामुळे प्रत्येकाच्याच पचनी पडेल असे नाही…पण आज त्याची गरज होती म्हणून हे शब्द मेंदूतून पाझरले…

धन्यवाद आपलाच उदय देशपांडे विलास भोसलेसर सोमनाथ मानेसर