चेतना कॉलेज ऑफ फार्मसी मध्ये ‘वेलनेस फॉरएव्हर प्रा. लि., इंदापूर’च्या सहकार्याने पूल कॅम्पस प्लेसमेंट ड्राइव्ह संपन्न
संपादकीय,
इंदापूर: येथील चेतना कॉलेज ऑफ फार्मसी येथे वेलनेस फॉरएव्हर प्रा. लि., इंदापूर यांच्या सहकार्याने पूल कॅम्पस ड्राइव्ह – २०२६ चे यशस्वी आयोजन करण्यात आले।
या पूल कॅम्पस ड्राइव्हचे उद्घाटन मान्यवरांच्या हस्ते करण्यात आले. त्यानंतर प्राचार्य डॉ. गणेश म्हस्के सर यांनी वेलनेस फॉरएव्हर प्रा. लि., इंदापूर टीम तसेच पूल कॅम्पस ड्राइव्हसाठी उपस्थित विद्यार्थ्यांचे स्वागत करून सर्वांना मार्गदर्शन केले. त्यानंतर चेतना फाउंडेशनचे खजिनदार सोमनाथ माने सर यांनीही उपस्थितांना संबोधित करत शुभेच्छा दिल्या. पुढे वेलनेस फॉरएव्हरच्या मयूर डोईफोडे यांनी विद्यार्थ्यांना कॅम्पस ड्राइव्ह बाबत मार्गदर्शन केले.
या प्रसंगी मिलिंद कवितके, अश्विनी कवितके, आणि रोहित उराडे (वेलनेस फॉरएव्हर, इंदापूर शाखा) हे उपस्थित होते।
तसेच चेतना कॉलेज ऑफ फार्मसीचे प्राचार्य डॉ. गणेश म्हस्के, विभाग प्रमुख प्रा. डॉ. निलेश सोनवणे, प्रशिक्षण व नियुक्ती अधिकारी प्रा. प्राजक्ता गायकवाड, सर्व शिक्षक व शिक्षकेतर कर्मचारी तसेच विविध महाविद्यालयांतील विद्यार्थी मोठ्या संख्येने उपस्थित होते।
या उपक्रमामध्ये डी.फार्म व बी.फार्म विद्यार्थ्यांसाठी प्रशिक्षणार्थी फार्मासिस्ट व वैद्यकीय प्रतिनिधी या पदांसाठी भरती प्रक्रिया राबविण्यात आली. निवड प्रक्रिया समूहचर्चा व मानव संसाधन मुलाखत या टप्प्यांद्वारे पार पडली।
या कॅम्पस ड्राइव्हमध्ये जवळील विविध फार्मसी महाविद्यालयांमधून एकूण १८ विद्यार्थ्यांनी सहभाग नोंदवला, त्यापैकी ३ विद्यार्थ्यांची फार्मासिस्ट पदासाठी निवड करण्यात आली असून त्यांना वेलनेस फॉरएव्हर प्रा. लि., इंदापूर यांच्याकडून नियुक्तीपत्र देण्यात येणार आहे।
विद्यार्थ्यांनी उत्स्फूर्त प्रतिसाद देत मोठ्या संख्येने सहभाग नोंदवला. या माध्यमातून विद्यार्थ्यांना उद्योग क्षेत्रातील संधी व आवश्यक कौशल्यां बाबत मार्गदर्शन मिळाले।
प्राचार्य डॉ. गणेश म्हस्के सर यांनी विद्यार्थ्यांना अशा संधींचा लाभ घेऊन आपल्या करिअरची भक्कम पायाभरणी करण्याचे आवाहन केले।
या स्तुत्य उपक्रमास चेतना फाऊंडेशन चे अध्यक्ष उदय देशपांडे, सचिव विलास भोसले, खजिनदार सोमनाथ माने व सदस्य बाळासाहेब बोराटे यांनी शुभेच्छा दिल्या.
कार्यक्रमाचे सूत्र संचालन प्रा. रुचिता भंडारी यांनी केले.