संपादकीय:-

चेतना इंटरनॅशनल स्कूल चेतना जुनिअर कॉलेज सरडेवाडी येथे गोपाळ कृष्ण जन्माष्टमी निमित्त दहीहंडी कार्यक्रम आयोजित करण्यात आला होता यावेळी संस्थेचे अध्यक्ष उद्या देशपांडे, सचिव विलास भोसले, खजिनदार सोमनाथ माने , संस्थेच्या सदस्य व चेतना इंटरनॅशनल स्कूलच्या प्रिन्सिपल निकिता माने यांच्या मार्गदर्शनाखाली कार्यक्रम आयोजित करण्यात आला.

नर्सरी पासून ते 12 वी पर्यंतचे विद्यार्थी अत्यंत उत्सुकतेने व आनंदाने कार्यक्रमांमध्ये सहभागी होते यावेळी सर्व शिक्षक व शिक्षकेतर कर्मचारी उपस्थित राहिले.

नर्सरी ते सहावी पर्यंतच्या विद्यार्थी व विद्यार्थ्यांनी कार्यक्रमांमध्ये राधाकृष्णा च्या वेशभूषणे कार्यक्रमाचे रंगत वाढवली तसेच लहान मुलींनी कार्यक्रमांमध्ये राधाकृष्ण वर आधारित असणाऱ्या गाण्यावरती नृत्यही केले.

युवराज शिंदे सर यांनी राधा कृष्णाची कहानी सांगून मुलांना मार्गदर्शन केले. व चेतना इंटरनॅशनल स्कूलच्या प्रिन्सिपल यांनीही विद्यार्थ्यांना दहीहंडी हा पारंपारिक सण असून त्याचे महत्त्व पिढ्यानपिढ्या माहिती व्हावे म्हणून अशा प्रकारचे कार्यक्रम स्कूलमध्ये घेण्यासाठी सर्व शिक्षकांना प्रोत्साहन दिले.

कार्यक्रमाच्या शेवटी सहावीच्या व पाचवीच्या विद्यार्थ्यांनी दहीहंडी फोडली मुलांना खाऊ वाटप झाला व कार्यक्रमाच्या शेवटी वंदे मातरम घेण्यात आली.

कार्यक्रमाच्या आयोजन प्रांजली सुतार यांनी केले. व सर्व कार्यक्रम पूर्णपणे पार पाडण्यास सर्व शिक्षकांनीही सहकार्य केले