बावडा दि. 21 येथील श्री शिवाजी एज्युकेशन सोसायटी संचलित श्रीमती रत्नप्रभादेवी पाटील महाविद्यालयात श्री शिवाजी एज्युकेशन सोसायटीचे अध्यक्ष आणि मा. सहकार व संसदीय कार्यमंत्री, अध्यक्ष, राष्ट्रीय सहकारी साखर कारखाना महासंघ श्री. हर्षवर्धनजी पाटीलसाहेब यांच्या वाढदिवसानिमित्त विविध उपक्रमांचे आयोजन करण्यात आले होते. महाविद्यालयात दि. 18 ऑगस्ट ते 21 ऑगस्ट या कालावधीत विविध क्रीडा स्पर्धा घेण्यात आल्या. त्यामध्ये पारंपरिक खेळ आट्यापाट्या, बुद्धिबळ, क्रिकेट, संगीत खुर्ची, रांगोळी स्पर्धा, वक्तृत्व स्पर्धा, रस्सीखेच, हॉलीबॉल स्पर्धा इत्यादी स्पर्धांचे आयोजन करण्यात आले होते. वेगवेगळ्या स्पर्धांमध्ये महाविद्यालयातील विद्यार्थी उत्स्फूर्तपणे सहभागी झाले होते. कला विभागाच्या संघाने आट्यापाट्या स्पर्धेचे तर विज्ञान विभागाच्या संघाने क्रिकेट स्पर्धेचे विजेतेपद पटकावले. श्री शिवाजी एज्युकेशन संस्थेच्या व महाविद्यालयातील राष्ट्रीय सेवा योजना विभागातर्फे मा. हर्षवर्धन पाटील यांच्या वाढदिवसाच्या औचित्य साधून रक्तदान शिबिराचे आयोजन करण्यात आले होते यामध्ये 145 बाटल्या रक्त संकलित करण्यात आले.

स्पर्धा यशस्वी करण्यासाठी राष्ट्रीय सेवा योजना कार्यक्रमाधिकारी प्रा सिद्धार्थ चितारे, प्रा. तायाजी लोंढे, प्रा.प्रवीण घोगरे, आनंदराज माने पाटील, प्राध्यापिका सौ दीप्ती पाटील, अर्चना हरिहर, पूजा पाटील, अंकिता भगत, प्राजक्ता बागल, रोहिणी सावंत यांनी विशेष परिश्रम घेतले. महाविद्यालयाचे प्राचार्य प्रा. डॉ. लहू वावरे यांनी या उपक्रमासाठी विशेष मार्गदर्शन केले. संस्थेचे ज्येष्ठ संचालक उदयसिंहजी पाटील, उपाध्यक्ष मनोजभाऊ पाटील, सचिव किरणकाका पाटील, व सर्व संचालक यांनी उपक्रमाचे कौतुक केले.