संपादकीय

मराठी भाषासंवर्धन पंधरवडा उत्साहात इंदापूर तालुक्यातील बावडा येथील श्रीमती रत्नप्रभादेवी पाटील महाविद्यालयामध्ये मराठी भाषा संवर्धन पंधरवडा दि. १४ ते २८ जानेवारी या कालावधीमध्ये उत्साहात पार पडला. या सप्ताहामध्ये वेगवेगळे उपक्रम राबविण्यात येऊन व विविध स्पर्धा घेण्यात आले. यामध्ये घोषवाक्य, शब्द अंताक्षरी, हस्ताक्षर स्पर्धा, कथाकथन व कविता सादरीकरण तसेच फलक लेखन कार्यशाळा या उपक्रमांचा समावेश होता. सदरच्या स्पर्धा व उपक्रमांचे कामकाज प्राचार्य डॉ. लहू वावरे यांच्या मार्गदर्शनाखाली मराठी विभाग प्रमुख प्रा. सिद्धार्थ चितारे व प्रा. अर्चना हरिहर यांनी पाहिले, तर परीक्षक म्हणून डॉ. तयाजी लोंढे, प्रा. दीप्ती पाटील यांनी कामकाज केले. या उपक्रमाचे संस्थेचे अध्यक्ष, माजी मंत्री हर्षवर्धन पाटील, उपाध्यक्ष मनोज पाटील, उदयसिंह पाटील, सचिव किरण पाटील, खजिनदार उमेश सूर्यवंशी व संचालक मंडळाने कौतुक केले.