चेतना फार्मसी महाविद्यालयातर्फे “भविष्याचा रोडमॅप: करिअर मार्गदर्शन आता प्रत्येक विद्यार्थ्यापर्यंत”

संपादकीय

आज बुधवार दि. १९ नोव्हेंबर २०२५ रोजी चेतना फाउंडेशन संचालित चेतना कॉलेज ऑफ फार्मसी तर्फे श्रीवर्धमान विद्यालय व जुनिअर कॉलेज, वालचंदनगर येथे करिअर मार्गदर्शनावर एक विशेष व्याख्यान आयोजित करण्यात आले. या कार्यक्रमात चेतना फार्मसी महाविद्यालयाचे प्राचार्य डॉ. गणेश म्हस्के यांनी बारावी विज्ञान शाखेतील विद्यार्थ्यांना स्पर्धेच्या काळात करिअर निवड ही विद्यार्थ्यांसाठी मोठे आव्हान असून, या पार्श्वभूमीवर करियर कसे निवडावे, स्पर्धा परिक्षेची तयारी कशी करणार, जीवनात कष्ट, आत्मविश्वास, चिकाटी कशी महत्त्वाची असते, उच्च शिक्षण घेण्यासाठी आवश्यक कागदपत्रे वेळेत पूर्ण करावीत असे विविध विचार व्यक्त केले. तसेच आपल्या अनुभवातून विद्यार्थ्यांना अभियांत्रिकी, वैद्यकीय, फार्मसी, व्यवस्थापन, शासकीय सेवा तसेच विविध व्यावसायिक क्षेत्रांविषयी उपयुक्त माहिती दिली.

या उपक्रमामुळे विद्यार्थ्यांमध्ये आत्मविश्वास निर्माण झाला असून, योग्य दिशेने पाऊल टाकण्यासाठी या व्याख्यानाचा नक्कीच फायदा होणार असल्याचे मत प्रा. हनुमंत कुंभार सरांनी व्यक्त केले.

या व्याख्यानात विद्यार्थ्यांनी मोठ्या उत्साहाने भाग घेऊन प्रतिसाद दिला आणि त्यांच्या भविष्यासाठी प्रेरणा घेतली. श्रीवर्धमान विद्यालय व जुनिअर कॉलेजचे प्राचार्य हनुमंत कुंभार सर, तसेच चेतना फार्मसीचे प्रा. चिंतामणी रणवरे, चिन्मय देशपांडे आणि दत्ता कडवळे यांचे सहकार्य मिळाले.

या उपक्रमामुळे विद्यार्थ्यांना त्यांच्या भविष्याच्या नियोजनात मदत होईल, अशी अपेक्षा व्यक्त करण्यात आली आहे.चेतना फाउंडेशन चे अध्यक्ष उदय देशपांडे, सचिव विलास भोसले, खजिनदार सोमनाथ माने, सदस्य बाळू बोराटे यांनी सर्वांना शुभेच्छा दिल्या.