शेतकऱ्याची पोर झाली सेल टॅक्स ऑफिसर.

सर्जेराव मोरे यांची कन्या वैष्णवी हिने ग्रामीण भागातील परिस्थितीवर मात करून STI पदी तिचे सिलेक्शन झाले. वैष्णवी हिचे प्राथमिक शिक्षण कन्या प्रशाला नातेपुते या ठिकाणी झाले. भैरवनाथ माध्यमिक विद्यालय व्याहळी या ठिकाणी इयत्ता दहावी पर्यंत शिक्षण घेतले. उच्च माध्यमिक शिक्षण श्री नारायणदास रामदास हायस्कूल अँड ज्युनिअर कॉलेज इंदापूर या ठिकाणी झाले. बारावीनंतर पुढे वैष्णवी ने इंदापूर या ठिकाणी आर्ट सायन्स अँड कॉमर्स कॉलेजमध्ये पदवीचे शिक्षण घेतले या ठिकाणी तिने गणित या विषयात पदवी मिळवली. आपल्या यशाचा आलेख वाढवत असतानाच वैष्णवी ने सावित्रीबाई फुले पुणे विद्यापीठ या ठिकाणी एम एस सी मॅथ मधून पदवी मिळाली व पुढे MPSC मधून अधिकारी होण्याचा निर्णय घेतला. प्रतिकूल परिस्थितीवर मात करून ग्रामीण भागातील मुलगी अधिकारी होऊन शकते हे वैष्णवी हिने करून दाखवले. वैष्णवी सर्जेराव मोरे यांची अधिकारी पदी निवड झाल्याबद्दल तानाजी भगवानराव पवार,लक्ष्मण महादेव गोळे, सुनीता तानाजीराव पवार, नानासाहेब तानाजी पवार, अरुण साहेबराव शिंदे, चंद्रकांत रमेश पवार,पंढरीनाथ रमेश पवार सागर बाप्पा पवार यांच्याकडून तिचा सत्कार करण्यात आला.

जिद्द,चिकाटी, स्वतःशी प्रामानीक राहून जर अभ्यास केला तर कोणतेही स्वप्न पूर्ण होऊ शकते असे सत्कार प्रसंगी वैष्णवी हिने सांगितले.