अहिल्यानगर जिल्हयातील मानगाव येथील रुग्णांसाठी स्वतंत्र डेंटल क्लिनिक सुरु करण्यात आले.रस्त्यावरून आणलेल्या मनोरुग्ण व गंभीर आजारी माता – भगिनींना आधीच गंभीर स्वरुपाचे मानसिक आजार तर असतातच त्याचबरोबर गंभीर शारीरिक आजारही असतात.अनेक महिने कदाचित वर्षसुद्धा हे लोक दात घासलेलेच नसतात. त्यामुळे दात किडतात ,हिरड्या सडतात. कधी कधी इन्फेक्शन इतके खोलवर जाते की मेंदूपर्यंत पोचून मेनीजाइटिस होता.अनेक गंभीर आजारांची सुरुवात होते. हे थांबवण्यासाठी आणि योग्य उपचार होण्यासाठी व्यवस्थित सेटपची गरज होती.तो उभारलाय आता नगरचे प्रसिद्ध आणि महत्वाचे म्हणजे स्माइल प्लस क्लिनिकचे अत्यंत सेवाभावी दंतरोग तज्ञ डॉ. कुणाल कोल्हे आणि डॉ.किर्ती कोल्हे या दाम्पत्यांनी यांनी पुढाकार घेतला. आज त्यांनी कामाची सुरुवात केली.पहिली सुरुवात आमच्या मुलांच्या दातांच्या उपचारापासून सुरवात केली. आज मनोरुग्ण तसेच गावातील इतर सर्व मिळुन ४७५ माता भगिनी आणि ४० लेकरांची तपासणी झाली. तसेच सर्वांच्या चेहऱ्यावर एक वेगळाच आनंद दिसुन येत होता. दाताच्या उपचारसाठी जागा विशालजी पंचारिया आणि डॉ.राजेंद्र धामणे यांच्या सहकार्यने मानगाव येथे कायमस्वरूपी क्लिनिक उपलब्ध झाली.
