नमोन्यूजनेशन:-

*👉👉मोसमी वारे ३१ मेपर्यंत केरळात?*

*पुणे :-अरबी समुद्रातून राज्याच्या दिशेने येत असलेल्या बाष्पामुळे राज्याच्या बहुतांश भागात आठवडाभर हलक्या स्वरूपाच्या पूर्वमोसमी पावसाची शक्यता कायम राहणार आहे. त्याचप्रमाणे बंगालच्या उपसागरातून सध्या वेगाने प्रगती करीत असलेले नैर्ऋत्य मोसमी वारे ३१ मेपर्यंत केरळमध्ये पोहोचण्यास सध्या अनुकूल स्थिती असल्याचे हवामान विभागाकडून स्पष्ट करण्यात आले आहे.यास चक्रीवादळाने मोसमी वाऱ्यांचे प्रवाह मोकळे केले आणि त्यांना चालना दिली.*

*👉👉हवामान विभागाने दिलेल्या अंदाजानुसार कोकण, मध्य महाराष्ट्र, विदर्भ आणि मराठवाड्यात १ जूनपर्यंत तुरळक ठिकाणी पावसाची शक्यता व्यक्त करण्यात आली आहे.*

*👉पाऊसभान… २५ मे रोजी मोसमी वाऱ्यांनी निम्मा श्रीलंका व्यापला आणि बंगालच्या उपसागरात आणखी प्रगती केली. २७ मे रोजीही मोसमी वाऱ्यांची प्रगती सुरू होती. त्यांनी सध्या मालदीव आणि कोमोरीन भागात आणखी प्रगती केली असून, बंगालच्या उपसागरात दक्षिण-पश्चिम भागात ते वेगाने पुढे जात आहेत. ही स्थिती लक्षात घेता ३१ मेपर्यंत पाऊस केरळात दाखल होऊ शकेल.*