चेतना कॉलेज ऑफ फार्मसी, सरडेवाडी, इंदापूर येथे महाराष्ट्र तंत्रशिक्षण मंडळ (MSBTE) परीक्षा 2026 मध्ये घवघवीत यश

संपादकीय :-

सरडेवाडी (ता. इंदापूर) येथील प्रथम वर्ष डी.फार्मसी व द्वितीय वर्ष डी. फार्मसी विद्यार्थ्यांनी महाराष्ट्र तंत्रशिक्षण मंडळ (MSBTE) परीक्षा 2026 मध्ये उल्लेखनीय यश संपादन केले आहे. महाविद्यालयाच्या विद्यार्थ्यांनी उत्कृष्ट निकाल नोंदवत गुणवत्ता यादीत स्थान मिळवून संस्थेचे नाव उज्ज्वल केले आहे. महाविद्यालय हे फार्मसी कौन्सिलिंग ऑफ इंडिया, महाराष्ट्र तंत्रशिक्षण मंडळ (MSBTE), मुंबई व डॉ. बाबासाहेब आंबेडकर टेक्नॉलॉजिकल युनिव्हर्सिटी लोणेरे संलग्न असून गुणवत्तापूर्ण फार्मसी शिक्षणासाठी ओळखले जाते.
यामध्ये महाविद्यालयातील प्रथम वर्ष डिप्लोमा इन फार्मसी वर्गातील विद्यार्थ्यांपैकी कु. साक्षी तुकाराम राखुंडे यांनी 76.30% गुणांसह प्रथम क्रमांक पटकावला. कु. पिंकू राजू शिंदे यांनी 74.10% गुणांसह द्वितीय क्रमांक, कु. विद्या तुकाराम गुरगुडे यांनी 72.40% गुणांसह तृतीय क्रमांक, कु. पायल लाहू बनसोडे यांनी 70.10% गुणांसह चतुर्थ क्रमांक तर कु.सायली योगेश घाडगे यांनी 69.40% गुणांसह पाचवा क्रमांक मिळविला.
तसेच महाविद्यालयातील एस.वाय. डी.फार्म. वर्गातील विद्यार्थ्यांपैकी कु. विद्या भोई आणि कु. प्रतिक्षा गुंड यांनी प्रत्येकी 77.09% गुण मिळवत संयुक्त प्रथम क्रमांक पटकावला. कु. शिल्पा भोपे हिने 75.55% गुणांसह द्वितीय, कु. वैष्णवी खटाळ हिने 75.46% गुणांसह तृतीय, तर कु. वर्षराणी इरकर हिने 73.82% गुणांसह चतुर्थ क्रमांक मिळविला. तसेच शिवम ननवरे यांनी 71.73% गुण मिळवत गुणवंत विद्यार्थ्यांच्या यादीत स्थान मिळविले

प्राचार्य डॉ. गणेश म्हस्के यांनी विद्यार्थ्यांना पुढील शैक्षणिक वाटचालीसाठी शुभेच्छा देत, अधिक मेहनत, शिस्त आणि गुणवत्तापूर्ण शिक्षणाच्या माध्यमातून उत्तम फार्मासिस्ट बनण्याचे आवाहन केले. महाविद्यालय उत्कृष्ट शिक्षण, नैतिक मूल्ये आणि व्यावसायिक कौशल्यांच्या विकासासाठी सातत्याने कार्यरत असल्याचे त्यांनी नमूद केले.
महाविद्यालयाचे प्राचार्य यांनी विद्यार्थ्यांच्या यशाबद्दल समाधान व्यक्त करताना सांगितले की, “विद्यार्थ्यांच्या सर्वांगीण विकासासाठी महाविद्यालय सातत्याने प्रयत्नशील आहे. गुणवत्तापूर्ण शिक्षण, आधुनिक अध्यापन पद्धती, प्रयोगशाळा सुविधा आणि अनुभवी प्राध्यापकांचे मार्गदर्शन यामुळे विद्यार्थ्यांमध्ये आत्मविश्वास निर्माण होत आहे. या यशामुळे इतर विद्यार्थ्यांनाही प्रेरणा मिळेल.”
यावेळी प्राध्यापक व शिक्षकेतर कर्मचाऱ्यांनीही गुणवंत विद्यार्थ्यांचा सत्कार करून त्यांच्या पुढील शैक्षणिक वाटचालीस शुभेच्छा दिल्या. विद्यार्थ्यांच्या यशामागे त्यांची चिकाटी, नियमितता आणि जिद्द हे महत्त्वाचे घटक असल्याचे मत शिक्षकांनी व्यक्त केले.

चेतना कॉलेज ऑफ फार्मसी हे “Revolution Through Education” या ब्रीदवाक्यानुसार विद्यार्थ्यांना गुणवत्तापूर्ण फार्मसी शिक्षण देत असून शैक्षणिक, व्यावसायिक व सामाजिक मूल्यांची जोपासना करण्यासाठी कटिबद्ध आहे. महाविद्यालयाने अल्पावधीतच शैक्षणिक क्षेत्रात वेगळी ओळख निर्माण केली असून विद्यार्थ्यांच्या यशामुळे संस्थेचा गौरव अधिकच वाढला आहे.
या यशाबद्दल संस्थेचे अध्यक्ष मा. श्री. उदय देशपांडे, सचिव मा. श्री. विलास भोसले, खजिनदार मा. श्री. सोमनाथ माने, सदस्य मा. श्री. बाळासाहेब बोराटे यांनी सर्व गुणवंत विद्यार्थ्यांचे अभिनंदन केले. विद्यार्थ्यांच्या या यशामागे पालकांचे सहकार्य, शिक्षकांचे मार्गदर्शन व विद्यार्थ्यांची कठोर मेहनत असल्याचे त्यांनी सांगितले.
दरम्यान, शैक्षणिक वर्ष 2026-27 साठी डी.फार्मसी व बी.फार्मसी अभ्यासक्रमांच्या प्रवेश प्रक्रियेला सुरुवात झाली असून इच्छुक विद्यार्थ्यांनी प्रवेशासाठी महाविद्यालयाशी संपर्क साधावा, असे आवाहन महाविद्यालय प्रशासनाच्या वतीने करण्यात आले आहे.