संपादकीय
चेतना इंटरनॅशनल स्कूल, सरडेवाडी येथे डॉ. बाबासाहेब आंबेडकर आणि महात्मा ज्योतिराव फुले यांची जयंती मोठ्या उत्साहात साजरी करण्यात आली. या कार्यक्रमाचे आयोजन संस्थेचे अध्यक्ष उदय देशपांडे, सचिव विलास भोसले, खजिनदार सोमनाथ माने तसेच संस्थेच्या सदस्या व प्राचार्या निकिता माने मॅडम यांच्या मार्गदर्शनाखाली करण्यात आले.
नर्सरीपासून सहावीपर्यंतच्या विद्यार्थ्यांनी या कार्यक्रमात उत्साहाने व आनंदाने सहभाग नोंदवला. यावेळी सर्व शिक्षक व शिक्षकेतर कर्मचारी उपस्थित होते. प्रमुख पाहुणे म्हणून प्राचार्य मस्के सर, सुनील गायकवाड सर, प्रांजली सुतार मॅडम तसेच पालक प्रशांत गुरगुडे आणि राहुल यादव यांनी उपस्थिती दर्शवली.
कार्यक्रमाची सुरुवात दीपप्रज्वलनाने करण्यात आली. त्यानंतर विद्यार्थ्यांनी प्रभावी भाषणे सादर केली. सई भिसे, ओंकार टिपाले, राजवीर माने, आद्या जमदाडे आणि आदिती गायकवाड या विद्यार्थ्यांनी आपले विचार मांडले. युवराज शिंदे सर यांनी डॉ. बाबासाहेब आंबेडकर व महात्मा ज्योतिराव फुले यांच्या कार्याची थोडक्यात माहिती विद्यार्थ्यांना दिली, तर ज्योती शिंदे मॅडम यांनी विद्यार्थ्यांना मार्गदर्शन केले.
तसेच समर कॅम्पसाठी आलेल्या नवीन विद्यार्थ्यांचे स्वागत व औक्षण मोरे मॅडम, डावरे मॅडम, उत्तेकर मॅडम आणि चव्हाण मॅडम यांनी केले. कार्यक्रम यशस्वीरीत्या पार पाडण्यासाठी गलांडे सर यांचे सहकार्य लाभले. संपूर्ण कार्यक्रमाचे आयोजन ज्योती शिंदे मॅडम यांनी केले असून सूत्रसंचालन गोळे मॅडम यांनी उत्कृष्टरीत्या केले.
अशा प्रकारे प्रेरणादायी आणि उत्साहपूर्ण वातावरणात हा कार्यक्रम यशस्वीपणे पार पडला.