श्रीमती रत्नाप्रभादेवी पाटील महाविद्यालय बावडा व विश्वासराव रणसिंग महाविद्यालय कळंब यांच्यामध्ये सामंजस्य करार

आज दिनांक 03 सप्टेंबर 2025 रोजी बावडा येथील श्रीमती रत्नाप्रभादेवी पाटील महाविद्यालय बावडा व कळंब येथील विश्वासराव रणसिंग महाविद्यालय यांच्यामध्ये हिंदी विभागांतर्गत शैक्षणिक सामंजस्य करार करण्यात आला. राष्ट्रीय शैक्षणिक धोरणास अनुसरून असणाऱ्या उद्देशपूर्तीकरिता हा सामंजस्य करार महत्वपूर्ण ठरणार आहे. या करारानुसार अध्यापन, अध्यापन सहाय्य, संशोधन कार्य, तंत्रज्ञान, जीवन कौशल्ये आणि मूल्ये विकास, करिअर मार्गदर्शन, विद्यार्थ्यांच्यामध्ये नवीन क्षमता निर्माण, कौशल्य वाढ, व्यक्तिमत्व विकास, अनुवाद, प्रूफरीडिंग, सेमिनार, कार्यशाळा, वेबिनार इत्यादींद्वारे ज्ञानाची देवाणघेवाण असे विविध उपक्रम राबवणे व विद्यार्थ्यांना शिकण्यासाठी एक व्यासपीठ प्रदान करणे अशा विद्यार्थी विकासाच्या कार्यक्रमांचा समावेश आहे.

या करारासाठी महाविद्यालयाचे प्राचार्य,डॉ. अशोक काळंगे व IQAC समन्वयक डॉ प्रशांत शिंदे यांचे मार्गदर्शन या करिता महत्वपूर्ण ठरले. या वेळी श्रीमती रत्नाप्रभादेवी पाटील महाविद्यालयाचे प्राचार्य, डॉ.लहु वावरे , IQAC समन्वयक व हिंदी विभाग प्रमुख डॉ. तायाजी लोंढे, प्रा. सुदर्शन गोळे, प्रा. प्रवीण घोगरे, प्रा. पूजा पाटील, प्रा. दीप्ती पाटील, प्रा. सिद्धार्थ चितारे तसेच विश्वासराव रणसिंग महाविद्यालयाचे हिंदी विभाग प्रमुख डॉ. बबन साळवे, डॉ. अमर वाघमोडे, डॉ संदीप पवार उपस्थित होते. संस्थेचे अध्यक्ष माननीय हर्षवर्धन पाटील, सचिव किरण काका पाटील तसेच इंदापूर तालुका ग्रामविकास प्रतिष्ठान अध्यक्ष श्रीमती आनंदी काकी रणसिंग, उपाध्यक्ष श्री प्रकाश बापू कदम तसेच सचिव विरसिंह रणसिंग(भैय्या)आदी मान्यवर यांनी पुढील कार्याकरिता शुभेच्छा दिल्या.