पळसदेवचे सामाजिक कार्यकर्ते किरण काळे यांच्या पत्नी मोनिका यांचे गौरी सजावटीमध्ये “ऑपरेशन सिंदुर”चे प्रदर्शन*
इंदापूर तालुका भाजपचे उपाध्यक्ष मा.श्री.किरण(भाऊ)बाळासो काळे यांच्या पत्नी सौ.मोनिका किरण काळे यांनी गौराई गणपतीच्या सणानिमित्त गौरी सजावटी मध्ये “ऑपरेशन सिंदूर”च्या बॅनरचे प्रदर्शन केले होते… किरण काळे यांच्या घरी दरवर्षी गौरी सजावटीमध्ये ज्वलंत सामाजिक प्रश्नांवर डेकोरेशन तयार केले जाते. या डेकोरेशनच्या माध्यमातून समाज जागृती करण्याचे कार्य ते करीत असतात. या अगोदर २०१८ पासून आतापर्यंत त्यांनी वृक्ष वाचवा देश वाचवा, वृक्षारोपण काळाची गरज, पर्यावरण वाचवा, प्लॅस्टिक बंदी, मुलगी वाचवा देश वाचवा, स्त्री भ्रूण हत्या, मुलगी शिकली प्रगती झाली अशा विविध सामाजिक प्रश्नांवर ते गेल्या आठ वर्षांपासून गौरी सजावटीमध्ये डेकोरेशन करून समाज जागृती करण्याचे कार्य करीत आहेत. गौरी सजावटीमध्ये सामाजिक प्रश्नांवर डेकोरेशन करण्याचे किरण काळे यांचे हे सलग आठवे वर्ष आहे.

किरण काळे हे पळसदेवचे सामाजिक कार्यकर्ते असून त्यांना सामाजिक कार्याची आवड आहे. किरण काळे यांना नुकतेच जानेवारी महिन्यात महाराष्ट्र शासन मान्यता प्राप्त “युवा महाराष्ट्र फाउंडेशन” या सामाजिक संस्थेतर्फे “आदर्श युवा सामाजिक कार्यकर्ता” (महाराष्ट्र प्रेरणा पुरस्कार २०२५)या पुरस्काराने गौरविण्यात आले होते. त्या भावनेने प्रेरित होऊनच ते हे कार्य करीत आहेत. त्यांच्या लग्ना अगोदर त्यांच्या आई सौ.सुनंदा बाळासो काळे व बहिण सौ.सोनल बाळासो काळे ह्या त्यांना या कार्यात मदत करीत होत्या. लग्नानंतर त्यांच्या पत्नी सौ.मोनिका या त्यांना मोलाची साथ देत आहेत…