जिल्हास्तरीय शासकीय समितीवर उत्तम फाळके यांची नियुक्ती 

पंडित दीनदयाळ हिरक महोत्सव निमित्त एकात्म मानव दर्शन या पुणे जिल्हास्तरीय समिती च्या अशासकीय सदस्य पदी श्री उत्तम फाळके यांची नियुक्ती करण्यात आलेली आहे. या पुणे जिल्हास्तरीय समिती चे अध्यक्ष पुण्याचे मा. जिल्हाधिकारी मा जितेंद्र डुडी हे आहेत. या समितीमध्ये पुणे जिल्हा पोलीस अधीक्षक पुणे , मुख्य कार्यकारी अधिकारी पुणे जिल्हा परिषद पुणे सहीत असे शासनाच्या पुणे जिल्ह्यातील 16 शासकीय खात्याचे प्रमुख सदस्य आहेत या समितीचे काम एकात्म मानव दर्शनाचा विचार वेगवेगळ्या घटकांपर्यंत विविध रित्या पोहोचवणे, प्रसार करणे हे आहे. .या समितीच्या अनुषंगाने एक अभ्यास गट पण तयार करण्यात आलेला आहे. या समितीच्या माध्यमातून एक लाख पुस्तके छापून जिल्ह्यात वाटप करण्यात येणार आहेत. केंद्र सरकार व राज्य शासन ज्या विचारावर चालत आहे ते पंडीत दिनदयाल उपाध्याय यांचा एकात्म मानव दर्शनाचा लोक कल्याणकारी विचार समाजातील सर्व स्तरावर व युवा पिढीपर्यंत प्रभावीपणे पोहोचविणे .राज्यातील युवा वर्गाच्या सर्वांगीण विकास करणे . जिल्हास्तरीय समिती मार्फत पंडितजी यांचे कार्य विचार प्रणाली व एकात्म मानव दर्शन हा शालेय विद्यार्थी , शिक्षक,महिला,शेतकरी , कामगार ,सनदी लेखापाल आणि अध्यात्मिक क्षेत्र या महत्त्वाच्या व्यक्ती इत्यादी घटकापर्यंत पोहोचविणे. समितीची एक बैठक मा. मंत्री मंगल प्रभात लोढा यांच्या समवेत नुकतीच पुणे येथे पार पडली . प्रत्येक महिन्याला समितीची बैठक होणार आहे.