इंदापूर -. इंदापूर येथील तालुका क्रीडा संकुल येथे क्रीडा क्षेत्रातील विविध कामे करण्यासाठी महाराष्ट्र राज्य क्रीडा विभागाच्या माध्यमातून 55 कोटी 16 लाख रुपये इतका निधी मंजूर करण्यात आला आहे असे कृषिमंत्री दत्तात्रेय भरणे यांनी माहिती दिली. ग्रामीण भागातील खेळाडूंना क्रीडा सुविधा देणे व राष्ट्रीय व आंतरराष्ट्रीय खेळाडू तयार करणे हा शासनाचा मुख्य उद्देश असल्यामुळे महाराष्ट्र राज्य क्रीडा धोरण २०१२ अन्वये प्रत्येक तालुक्यात तालुका क्रीडा संकुलन उभारणे ही शासनाची महत्त्वकांक्षी योजना आहे व तसेच यामुळे खेळाडूंना अनेक फायदे होणार आहेत. या निधीमुळे इंदापूर तालुक्यातील क्रीडा क्षेत्राचा वेगाने विकास होणार आहे व तसेच स्थानिक व ग्रामीण भागातील खेळाडूंना आपली कौशल्य खुलवण्यासाठी एक उत्कृष्ट असे व्यासपीठ इंदापूर तालुक्यात होणार आहे यामुळे इंदापूर तालुक्यातील सर्व क्रीडा प्रेमींनी कृषिमंत्री दत्तात्रेय भरणे यांचे आभार मानले.