झारखंडमध्ये मोठी राजकीय उलथापालथ;
मुख्यमंत्री चंपाई सोरेन यांनी मुख्यमंत्रीपदाचा दिला राजीनामा

*रांची:-झारखंडमध्ये मोठी राजकीय घडामोड घडली आहे. चंपाई सोरेन यांनी मुख्यमंत्रिपदाचा राजीनामा दिला आहे. त्यांनी राजभवनात जाऊन राज्यपाल सीपी राधाकृष्णन यांच्याकडं आपला राजीनामा सुपूर्द केला आहे. हेमंत सोरेन हे झारखंड राज्याचे नवे मुख्यमंत्री म्हणून शपथ घेण्याची शक्यता आहे.*

*👉🔴🔴👉हेमंत सोरेन यांना काही महिन्यांपूर्वी मनी लाँड्रिंगप्रकरणी ईडीकडून अटक करण्यात आली होती. तत्पूर्वी त्यांनी मुख्यमंत्रिपदाचा राजीनामा दिला होता. दरम्यान, नुकताच कोर्टाने त्यांना जामीन मंजूर केल्यानंतर त्यांची तुरुंगातून मुक्तता झाली आहे. हेमंत सोरेन हे तिसऱ्यांदा झारखंडच्या मुख्यमंत्रिपदाची शपथ घेणार आसल्याचे समजते. तसे झाले तर ते झारखंडचे तेरावे मुख्यमंत्री असतील. १५ नोव्हेंबर २००० रोजी बिहारचे विभाजन करून झारखंड या नव्या राज्याची निर्मिती करण्यात आली होती.*

*👉🅾️🅾️👉दरम्यान, आज मुख्यमंत्री चंपई सोरेन यांच्या निवासस्थानी झालेल्या बैठकीत हेमंत सोरेन यांची विधानसभेतील आमदारांच्या दलाच्या नेतेपदी एकमताने निवड करण्यात आली होती. हेमंत सोरेन यांनी ३१ मे रोजी अटकेची कारवाई होण्यापूर्वी मुख्यमंत्रिपदाचा राजीनामा दिला होता. झारखंडच्या राजभवनाकडून हेमंत सोरेन यांना भेटीसाठी ७.३० ही वेळ देण्यात आली होती. त्यानुसार हेमंत सोरेन आणि चंपई सोरेन हे राजभवनात दाखल झाले आहेत. तिथे हेमंत सोरेन नवे सरकार स्थापन करण्याचा दावा करणार असल्याचे समजते.*