अखिल भारतीय विद्यार्थी परिषदेचे पूर्व कार्यकर्ते प्रेमकुमार जगताप यांची भाजयुमो पुणे जि. ग्रामीण उपाध्यक्ष पदी निवड झाली.
त्यांच्या या निवडीने युवकांमध्ये आनंदाचे वातावरण निर्माण
झाले आहे.
महाविद्यालयीन जीवनामध्ये जगताप यांनी अखिल भारतीय विद्यार्थी परिषदेचे कार्य सुरू केले.
खडकावर फुलांची बाग बहरावी तसंच काहीस त्यांनी इंदापूर व बारामती, दौंड, पुरंदर भागामध्ये विद्यार्थी परिषदेचे काम केले.
अभाविप इंदापूरचे शहरमंत्री झाल्यापासून त्यांनी विद्यार्थ्यांच्या गाठीभेटी सुरू केल्या. या भेटींमधून त्यांनी सर्वांशी जिव्हाळ्याचे संबंध निर्माण केले. विद्यार्थी हितासाठी शाळा-महाविद्यालयांमध्ये, पोलीस स्टेशन, तहसील कार्यालय इ. ठिकाणी निवेदने देणे, वेळप्रसंगी त्यांनी विद्यार्थी हितासाठी रस्त्यावर येऊन आतापर्यंत अनेक आंदोलने केली.
अभाविप बारामती जिल्हा संयोजक, महाराष्ट्र प्रदेश कार्यकारिणी सदस्य इत्यादी जबाबदाऱ्या त्यांनी सार्थपणे पार पाडल्या.
आणि या त्यांच्या कार्याची दखल घेऊन,त्यांच्यातील नेतृत्वगुण ओळखून सर्वात मोठ्या राजकीय पक्षाच्या युवा क्षेत्रातील भारतीय जनता युवा मोर्चा (BJYM)पुणे जि. ग्रामीण च्या उपाध्यक्षपदी त्यांना संधी दिली.
देशभक्ती व राष्ट्रप्रेमाने, हिंदु विचाराने प्रेरित झालेल्या या व्यक्तिमत्त्वाने विविध सेवाकार्य, उपक्रम राबविले.
एका सामान्य शेतकरी कुटुंबातील होतकरू व सामान्य कार्यकर्त्याला संधी दिल्याने याचा नक्कीच येणाऱ्या काळामध्ये पक्षाला फायदा होईल.
अभाविप इंदापूर शहरमंत्री ते भाजयुमो पुणे जि.उपाध्यक्ष पदापर्यंत चा त्यांचा प्रवास अतिशय खडतर व संघर्षमय राहिला आहे.
कोणतीही राजकीय पार्श्वभूमी नसताना त्यांनी अभाविपच्या माध्यमातून इथपर्यंत मजल मारली आहे.
प्रेमकुमार यांच्या निवडीने एका सामान्य कुटुंबातील सामान्य कार्यकर्त्याला न्याय मिळाला अशी भावना विविध स्तरातून व्यक्त केली जात आहे.
यावेळी बोलताना जगताप म्हणाले की,मा. देवेंद्र जी फडणवीस, मा.चंद्रकांत दादा पाटील, मा. हर्षवर्धनजी पाटील साहेब युवा मोर्चा प्रदेश अध्यक्ष विक्रांत दादा पाटील, युवा मोर्चा जिल्हाध्यक्ष किरणजी दगडे पाटील यांनी माझ्यावर टाकलेल्या विश्वासास पात्र राहून पक्षाची ध्येयधोरणे व विचार तळागाळातील लोकांपर्यंत पोहोचवण्यासाठी कटिबद्ध राहीन.
निवडीचे पत्र युवा मोर्चा जिल्हाध्यक्ष. किरणजी दगडे पाटील व व धर्मेंद्रजी खंदारे यांच्या उपस्थितीत दिले गेले.
प्रेम कुमार जगताप यांच्या निवडीने इंदापूर तालुका व पंचक्रोशी मधील सर्व स्तरातून स्वागत केले जात आहे.