इंदापूर – ( दि. 28)  चेतना इंटरनॅशनल स्कूल व ज्युनिअर कॉलेज सरडेवाडी येथे क्रांतीसुर्य महात्मा ज्योतिराव फुले यांच्या पुण्यतिथी निमित्त शाळेमध्ये प्रतिमा पूजन करण्यात आले .तसेच या कार्यक्रमाच्या औचित्य साधून चेतना फाउंडेशनचे अध्यक्ष उदय देशपांडे, सचिव विलास भोसले, खजिनदार सोमनाथ माने चेतना इंटरनॅशनल स्कूलच्या प्रिन्सिपल निकिता सोमनाथ माने उपस्थित राहिल्या .सर्व शिक्षक व शिक्षकेतर कर्मचारी यांनीही या कार्यक्रमांमध्ये उपस्थिती दर्शवली.
यावेळी विद्यार्थ्यांनी महात्मा ज्योतिराव फुले यांच्या बहुमोल कार्याचे वर्णन त्यांच्या भाषणातून केले.
शिक्षिका प्रांजली सुतार यानींही मुलांना मार्गदर्शन केले त्या म्हणाल्या ज्योतिराव फुले यांनी मुलींच्या शिक्षणासाठी पहिली शाळा 1848 रोजी भिडे वाड्यात सुरू केली . व पहिली शिक्षिका सावित्रीबाई फुले यांना केले.
शिक्षणासाठीच नव्हे तर ज्योतिराव फुले यांनी शेतकऱ्यांसाठी व दलित समाजासाठी संघर्ष केला.
शेतकऱ्याचा आसूड, ब्राह्मणांचे कसब, गुलामगिरी हे ग्रंथ लिहिले तसेच छत्रपती शिवाजी महाराज यांच्या वरती पोवाडा सुद्धा लिहिला.
तसेच युवराज शिंदे सर यांनी सुद्धा महात्मा ज्योतिराव फुले यांचे विचार व्यक्त केले.
अशाप्रकारे सर्व विद्यार्थी शिक्षक व शिक्षकेतर कर्मचारी यांनी प्रतिमा पूजन करून श्रद्धांजली अर्पण केली